Thursday, 29 October 2015

Bibi wa miaka 85 akamatwa kwa kuiba herein……..


Bibi kizee mmoja mwenye umri wa miaka 85 raia wa Marekani, na ambaye amekuwa akiiba vito vya thamani kwa zaidi ya miaka 60 amehukumiwa tena kwa kosa la wizi.

Doris Payne anatuhumiwa kwa wizi wa herini ya thamani ya dola 690, kutoka katika duka moja la uuzaji wa vitu vya thamani la Saks, katika kiunga kimoja mjini Atlanta-Marekani.
Wakili wake anatafuta namna ambayo bibi huyo anaweza kuachiwa huru kwa sababu ya kudorora kwa afya yake.
Payne ambaye maisha yake ya wizi yaliwekwa katika filamu mwaka 2013, amewahi kufungwa jela mara kadhaa kwa makosa mengi tu ya wizi na uhalifu.
Wakuu nchini Marekani wanasema kuwa ametumia majina 22 ya bandia tangu alipoiba almasi kwa mara ya kwanza akiwa na umri wa miaka 23, na akaweza kukwepa kutiwa mbaroni.
Muungano wa Walinzi wa vitu vya thamani JSA na kampuni moja kubwa ya kibiashara, ilituma tahadhari kwa maduka yote yanayouza bidhaa na mapambo ya thamani, kujihadhari na mwizi huyo sugu mapema miaka ya 70.
Rais wa kampuni hiyo kubwa alitaja tabia ya bi kizee huyo kama wizi au uhalifu wa aina yake.
Aidha anastaajabu kuwa angali anaiiba hata akiwa na umri huo mkubwa.

Akihojiwa na shirika la habari la Associated Press mwaka 2005 akiwa jela, bibi huyo Payne alisema kuwa haibi kwa sababu ya pesa,ila yeye hujikuta tu akiiba na haoni kama ataacha tabia hiyo labda baada ya kufa.

Related Posts:

  • MKE WA KIBAKI AFARIKI…… Mke wa Rais mstaafu wa Kenya Mwai Kibaki Lucy Kibaki, amefariki dunia leo jijini London, Uingereza alipokuwa akipatiwa matibabu. Kwa mujibu wa taarifa ya Rais Uhuru Kenyatta, Lucy Kibaki amefariki katika hospitali ya … Read More
  • MAELFU WAANDAMANA NORTH CAROLINA…. Maelfu ya waandamanaji wamesafirishwa kwa mabasi hadi katika mji mkuu wa jimbo la North Carolina nchini Marekani ili kufanya maandamano. Waandamanaji hao wameenda ili kuunga mkono na wengine kupinga sheria mpya ya kit… Read More
  • MVULANA WA MIAKA 16 ASHTAKIWA UGAIDI AUSTRALIA..! Polisi nchini Australia wamemshtaki mvulana mwenye umri wa miaka 16, ambaye anasemekana alikuwa akipanga kutekeleza shambulio katika siku kuu ya wanajeshi wastaafu wa nchi hiyo. Mvulana huyo alitiwa mbaroni nyum… Read More
  • WAKATI BORA WA KUPEWA CHANJO YA HOMA… Na utafiti nchini Uingereza unaonesha kuwa, chanjo ya homa ni bora zaidi iwapo mtu atapewa majira ya asubuhi badala ya alasiri. Watafiti wamebaini kuwa uwezo wa mwili wa mtu una nguvu mno kuwa na matoke bora iwapo mtu a… Read More
  • JENERALI WA JESHI NA MKEWE WAUAWA BURUNDI..!! Afisa mkuu wa jeshi la Burundi ameuawa pamoja na mkewe, baada ya kushambuliwa na watu wasiojulikana mjini Bujumbura. Jenerali Athanase Kararuza na mkewe wameuawa wakiwapeleka watoto wao shuleni, afisa mmoja wa usalam… Read More

0 comments:

Post a Comment