Tuesday, 9 May 2017

SIMBA WATANO WATOROKA MBUGA AFRIKA KUSINI.....

Polisi wakishirikiana na maafisa wa wanyamapori nchini Afrika Kusini wanawawinda simba watatu ambao wametoroka kutoka kwenye mbuga ya taifa ya Kruger.

Kutoroka kwa simba hao kumezua wasiwasi kwamba huenda wakawashambulia watu au mifugo.
Haijabainika ni vipi simba hao walifanikiwa kutoroka kutoka kwenye mbuga hiyo maarufu, lakini polisi wamewahimiza raia kuwa macho hasa katika maeneo yanayokaribia mpaka wa nchi hiyo na Msumbiji.
Msemaji wa polisi Leonard Hlathi alinukuliwa na eNCA akisema: "Wananchi wanafaa kuwa macho. Simba hao bado hawajakamatwa na wanasalia kuwa hatari kwa sababu barabara hiyo hutumiwa na watu wengi. Watu wanaopitia barabara hiyo wakiwa na magari wanaweza kuyaegesha kando ya barabara kwenda haja ndogo, jambo ambalo linaweza kuwaweka hatarini."
Taarifa ya Shirika la Mbuga za Taifa Afrika Kusini imesema wakazi wa eneo la Komatipoort na maeneo ya karibu katika jimbo la Mpumalanga ndio wanaofaa kutahadhari.
Msemaji wa shirika hilo Rey Thakhuli anaripotiwa kuwaona simba hao katika makutano ya barabara ya N4 / Mananga Jumatatu asubuhi eneo la Komatipoort.
"Inaaminika simba hao walitoweka na kuingia kwenye mashamba ya miwa kilomita nne kutoka kwa mbuga ya Kruger," amesema.
"Tunawahimiza watu wajiepushe kupiga picha wanyama hao watakapowaona kwani ni wanyama hatari…na inaaminika tayari wamemuua ng'ombe mmoja," amesema Thakhuli.
Mwaka uliopita, simba waliripotiwa kutoweka kutoka kwenye Mbuga ya Taifa ya Nairobi nchini Kenya na kuingia maeneo ya makazi.

Hakuna aliyeshambuliwa na wanyama hao.

Related Posts:

  • MUGABE ANAWEZA KUPIGIWA KURA AKIWA MAITI.. Grace Mugabe na mumewe rais wa Zimbabwe Robert Mugabe Mke wa Rais mkongwe wa Zimbabwe, Robert Mugabe, amesema kuwa mumewe ni mashuhuri sana hivi kwamba anaweza kupigiwa kura hata akiwa maiti. Bwana Mugabe, ambaye ataku… Read More
  • NJAA YASABABISHA VIFO VYA ZAIDI YA WATU 100 SOMALIA... Waziri mkuu wa Somalia Hassan ali Khaire, amesema watu mia moja na kumi wamefariki kutokana na visa vinavyo husiana na ukame na baa la njaa katika eneo la kusini mashariki mwa nchi hiyo, katika kipindi cha saa nane zilizo… Read More
  • TRUMP AMSHUTUMU OBAMA KUMDUKUA….. Rais wa Marekani, Donald Trump amesema kuwa amegundua Rais mstaafu wa nchi hiyo ambaye ni mtangulizi wake, Barack Obama alikuwa akidukua simu yake mwezi mmoja kabla ya kuchaguliwa kuliongoza taifa hilo. Rais Trump ametoa … Read More
  • KASHMIR:MARUFUKU MATUMIZI YA ANASA….. Serikali ya Jimbo la Kashmir nchini India imeweka zuio dhidi ya gharama za anasa. Wazazi wa bibi harusi watapigwa marufuku kualika zaidi ya wageni mia tano, au mia nne ikiwa mtoto wa kiume atakuwa anaoa. Idadi ya aina … Read More
  • WABUNGE WAIDHINISHA KILIMO CHA BANGI UHOLANZI. Bunge la chini nchini Uholanzi, limeidhinisha kuhalalishwa kwa kilimo cha bangi. Mswada huo ulioidhinishwa utawakinga wakulima wa bangi, ambao wanatimiza masharti fulani dhidi ya kuadhibiwa. Mswada huo bado haujaidhini… Read More

0 comments:

Post a Comment