Thursday, 29 June 2017

UTAFITI:BODABODA HUWANYANYASA WASICHANA KIMAPENZI….

Wafanyabiashara ya huduma za usafiri wa pikipiki maarufu kama bodaboda, wametajwa katika utafiti kuwa wanaowanyanyasa kimapenzi na kuwafanyia ukatili wasichana wanaokataa kushirikiana nao kimapenzi.

Kwa mujibu wa matokeo ya Utafiti uliofanywa na shirika lisilo la kiserikali la Maadili Center na kutolewa jana na Mwenyekiti wa shirika hilo Florentine Senya, watoto wengi wa kike walitaja kero kubwa kuwa ni waendesha pikipiki hao (bodaboda) kuwanyanyasa hadi kufikia hatua ya kutishia kuwagonga kwa pikipiki zao wasichana hao wanapokataa kujihusisha nao kimapenzi.
Akizungumza na wandishi wa habari jijini Dar es Salaam jana kuhusu utafiti wa malezi na maadili ya watoto wa kike uliofanywa na shirika hilo, Senya alisema utafiti huo unaendelea hadi sasa ulifanywa katika shule za sekondari na msingi kwa mikoa mitatu ya Dar es Salaam, Arusha na Kilimanjaro.
Kwa mujibu wa Mwenyekiti huyo, utafiti huo pia umebaini kuwa asilimia 78 ya familia nyingi zina matatizo ikiwemo wazazi kutelekeza familia zao na kuwaacha wengi kujihudumia wenyewe jambo linalochangia kuwapo ongezeko la watoto wasio na maadili.
Alisema utafiti umebaini kuwa, watoto wa kike 10 kati ya 50 sawa na asilimia 20, wamepitia vitendo mbalimbali vya ukatili ikiwemo kupigwa na wazazi, kuchomwa moto wanapokosea, na hata kutishiwa maisha wanapokataa kujihusisha kimapenzi na watu waliowazidi umri.

Mkurugenzi Mtendaji wa Maadili Center, Rosaline Castillo alitaka jamii ikubali ukweli kuwa wazazi wengi wametelekeza watoto katika malezi.

Related Posts:

  • HAKIMU MMOJA ASIKILIZA MASHAURI 400 KWA MWEZI.... Imeelezwa kuwa uhaba wa mahakimu katika Mahakama Kuu Divisheni ya Ardhi imefanya kila hakimu katika mahakama hiyo kuwa na mzigo wa mashauri 400 kwa mwezi mmoja. kufuatia hali hiyo, mahakama imeomba Mabaraza za Ardhi ya V… Read More
  • SUDAN YAPINGA AMRI YA TRUMP..! Wizara ya mashauri ya nchi za kigeni nchini Sudan imemuita mwanabalozi wa Marekani mjini Khartoum kupinga hatua ya Rais Donald Trump ya kuwapiga marufuku raia wa nchi hiyo kuingia Marekani. Sudan inasema kuwa hatua hiyo… Read More
  • MVUA YALETA MAAFA WILAYANI MPWAPWA… Watu wanne wakiwamo watatu wa familia moja ambao ni wakazi wa Kijiji cha Isighu kitongoji cha Majumba Sita wilayani Mpwapwa mkoani Dodoma wamekufa maji baada ya makazi yao kusombwa na mvua iliyo nyesha usiku wa kuamkia Ja… Read More
  • MWENYEKITI WA CCM MBEYA ANUSURIKA KUUAWA.. Mwenyekiti wa CCM Mbeya Mjini, Efrahim Mwaitenda mwenye umri wa miaka 60 amejeruhiwa kwa kupigwa risasi mgongoni na mtu au watu wasiofahamika. Kaimu Kamanda wa Polisi mkoa wa Mbeya, Emmanuel Lukula amesema tukio hilo li… Read More
  • AHUKUMIWA KIFUNGO KWA KULALA NA MPENZI WA MWANAE… Mwanamke mmoja ambaye ametambulika kwa jina la Alaine Goodman (46) amehukumiwa kifungo cha miaka miwili gerezani baada ya kukutwa na hatia ya kufanya mapenzi na kijana mwenye umri mdogo ambaye ni mpenzi wa mtoto wake. G… Read More

0 comments:

Post a Comment