Tuesday, 24 January 2017

MLANGO WA BOMBARDIER WAZUA TAHARUKI ANGANI…!

Abiria waliokuwa wakisafiri kwa ndege aina ya Bombardier Q400 ya Shirika la Ndege Tanzania (ATCL) kutoka Mwanza kuelekea Dar es salaam, walipata hofu baada ya ndege yao kuruka na muda mfupi baadae kulazimika kutua tena katika Uwanja wa Ndege wa Mwanza

Tukio hilo lilitokea jana saa 2.20 asubuhi uwanjani hapo, baada ya ndege hiyo kuruka kisha ikatua ndani ya dakika 20
Wakati ndege hiyo ikitua, Rubani aliwataarifu abiria kuwa wanalazimika kurejea uwanjani hapo kutokana na dharura iliyojitokeza
Aidha, baadhi ya watumishi wa uwanja huo wamesema walishangazwa kuona ndege hiyo ikirejea muda mfupi baada ya kuruka, hali ambayo hutokea pindi ndege inapokuwa na hitilafu ya kiufundi
“Unajua ndege nyingi huanguka wakati wa kuruka na kutua, ndiyo maana jambo hili lilitisha abiria hata wafanyakazi,lakini hakukuwa hitilafu kubwa ya hatari kwani baada ya kurejea na kukaguliwa, ilionekana mlango wa mizigo ya ndege hiyo haukufungwa vizuri, hivyo kuwasha taa ya tahadhari na Rubani kuamua kutua kwa dharura”amesema mmoja wa watumishi hao.
Akielezea tukio hilo, mmoja wa abiria waliokuwa uwanjani hapo aliyekuwa akitarajitarajia kusafiri na ndege nyingine, amesema kuwa wakati ndege hiyo inatua kwa dharura, wafanyakazi wa uwanja huo walionekana kuwa bize kiasi cha kuwashtua wasafiri waliokuwepo uwanjani hapo.
Kwa upande wake Meneja wa Uwanja wa Ndege wa Mwanza Easter Madale, amekiri kuwapo kwa tukio hilo la mlango ingawa amesema hakujua sababu zake.

“Tukio hilo lipo, lakini siwezi kulizungumzia kwa sababu linawahusu watu wa Mamlaka ya Viwanja vya Ndege,Kwa hivyo nakuomba uwatafute hao kwasababu ndio wanaojua, ingawa linaonekana halikuwa tatizo kubwa kwani baada ya kutua, ilikaa muda mfupi na kuondoka tena”, amesema Madale.

Related Posts:

  • MUUGUZI AMDUNGA BINTI SINDANO NA KUMBAKA…… Muuguzi anayefanya kazi Kituo cha Afya Kata ya Igurubi Wilaya ya Igunga mkoani Tabora, Damian Mgaya (26) anashikiliwa na Polisi kwa tuhuma ya kumbaka binti wa miaka 18 mkazi wa kitongoji cha Mwagala B, Kijiji cha Mwagala.… Read More
  • ROONEY AITEKA DAR………   Mshambuliaji mpya wa Everton Wayne Rooney, amekuwa kivutio wakati msafara wa timu hiyo ulipowasili jijini Dar es Salaam leo asubuhi. Everton iliyowasili kwenye uwanja wa Ndege wa Kimataifa (JNIA) ilipokelewa na Wa… Read More
  • TUNDU LISSU ATEMA CHECHE…. Wakati Mwanasheria Mkuu wa Chama cha Demokrasia na Maendeleo (Chadema) Tundu Lissu, akiwa bado anakabiliwa na kesi kadhaa za uchochezi, amefytuka tena na kutoa maneno mazito juu ya viongozi wa Serikali, huku akisema kwa … Read More
  • WAUMINI WAWILI WAFA MAJI WAKIBATIZWA.. Waumini wawili wa Kanisa Siloam wamekufa maji wakibatizwa katika Mto Ungwasi wilayani Rombo baada ya mmoja wao kupandisha mapepo na kuwatumbukiza majini wenzake. Mkuu wa Wilaya ya Rombo mkoani Kilimanjaro Agnes Hokororo… Read More
  • WANAOTOA SIRI ZA SERIKALI MTANDAONI KUTUPWA JELA MIAKA 20.. Serikali imetoa onyo kwa watumishi wa umma wanaotoa siri za serikali na kuzisambaza kwenye mitandao ya kijamii kuwa watachukuliwa hatua za kisheria. Onyo hilo lilitolewa jijini Dar es Salaam jana na Waziri wa Ofisi ya R… Read More

0 comments:

Post a Comment