Msichana wa umri wa
miaka 17 ambaye alikuwa katika machungu ya uzazi, amejikuta akijifungulia
mtoto
chooni baada ya muuguzi mmoja wa Hospitali ya Amana jijini Dar es Salaam,
kumtaka aende kuoga na kubadilisha nguo bila ya kujali hali yake.
Msichana huyo Asha
Sudi (17) mkazi wa Tabata Kisiwani, alikutwa na tukio hilo juzi wakati
akisubiri kujifungua, na uongozi wa Amana umesema utalishughulikia suala hilo.
Asha amesema alifika
hospitalini hapo saa 4:00 asubuhi akiwa anaumwa na uchungu, na alipofika
mapokezi alikalishwa kwenye benchi.
Amesema akiwa chooni
anajiandaa kuoga uchungu ulikata ghafla, na baada ya dakika chache aliona kitu
kinaning’inia sehemu za siri kisha kikadondoka chini.
Baada ya kuona hivyo
alianza kupiga kelele akiita “nesi nesi” na ndipo alipopita wa kwanza, ambaye
hata hivyo hakumshughulikia na badala yake akaendelea na kazi zake, lakini
baadaye akaenda daktari ambaye hakumtambua kwa jina akamsaidia.
Baadhi ya wauguzi
walitoa ushuhuda wa tukio hilo wakiwamo daktari aliyemuokoa mama huyo na
mwanaye chooni, lakini hawakutaka majina yao yatajwe.
Muuguzi mwingine
ambaye alikuwa zamu mchana amesema kuwa, alipopita kumuangalia mtoto huyo
alikuta akiwa na uvimbe kwenye paji la uso.
Mkuu wa Idara ya
Wazazi Grace Massawe amesema wamelichukua suala hilo na kwamba
watalishughulikia, lakini akawataka wazazi na ndugu wa mama huyo kuwa watulivu
na kuwasamehe waliofanya tukio hilo.
Mkuu wa Idara ya
Mama na Mtoto wa hospitali hiyo Francis Kioweli, amesema mtoto huyo hajapata
athari ya kiafya na kwamba endapo kutatokea tatizo lolote, basi wazazi hao
wasisite kwenda hospitali kwa uangalizi zaidi.
0 comments:
Post a Comment