Wednesday, 12 July 2017

ROONEY AITEKA DAR………

 
Mshambuliaji mpya wa Everton Wayne Rooney, amekuwa kivutio wakati msafara wa timu hiyo ulipowasili jijini Dar es Salaam leo asubuhi.

Everton iliyowasili kwenye uwanja wa Ndege wa Kimataifa (JNIA) ilipokelewa na Waziri wa Habari, Sanaa, Utamaduni na Michezo Dk Harrison Mwakyembe.
Ndege binafsi ya Everton iliwasili katika uwanja huo majira ya saa 2:39 Asubuhi,kabla ya wachezaji kuanza kuingia kwenye basi lao maalumu, huku wakipitia kwa Waziri Mwakyembe na kumpa mkono.
Wakati wachezaji wa Everton wakiingia kwenye basi, mashabiki waliokuwa nyuma ya geti la kuingilia VIP kila mmoja alionyesha shauku ya kumuona mubashara 'live' Rooney ,ambaye kana kwamba msafara huo ulilitambua hilo na Rooney kuwa wa mwisho kushuka.
Aliposhuka Rooney alikwenda kumpa mkono Waziri Mwakyembe na kisha kuelekea kwenye basi maalumu la timu hiyo, wakati akielekea kwenye basi baadhi ya mashabiki wake waliokuwa uwanjani hapo walianza kupaza sauti wengine wakitaka ageuke asimame na kupunga mkono.

 Everton itacheza mechi ya kirafiki ya kimataifa kesho kwenye Uwanja wa Taifa Dar es Salaam dhidi ya Gor Mahia ya Kenya.

Related Posts:

  • MBUNGE KIBITI ASEMA ANAMUACHIA MUNGU........ Matukio ya kihalifu na mauaji yanayofanywa na watu wasiofahamika, yameendelea kutokea wilayani Kibiti baada ya viongozi wawili wa Kijiji cha Mangwi, Kata ya Mchukwi kuuawa kwa kupigwa kwa risasi, huku Mbunge wa Jimbo la K… Read More
  • MBARONI AKIPENYEZA SIMU TANO GEREZA LA KEKO DAR… Ramadhani Nombo anashikiliwa na Jeshi la Polisi kituo cha Chang’ombe Temeke jijini Dar es Salaam, kwa kosa la kupenyeza simu tano kwenye gereza la Keko. Mtuhumiwa huyo alikamatwa baada ya chakula alichopeleka gerezani, … Read More
  • WIZARA YATAKA BIASHARA YA TANZANITE IFANYIKE SIMANJIRO…. Wizara ya Nishati na Madini, imeagiza biashara ya madini ya Tanzanite, ifanyike katika Halmashauri ya Simanjiro na siyo Arusha na Moshi kama inavyofanyika hivi sasa. Naibu Waziri wa wizara hiyo Dk Medard Kalemani, alito… Read More
  • MAITI TATU 3 ZAOKOTOWA KWENYE VIROBA... Maiti tatu zimeokotwa kwenye fukwe mbalimbali za Zanzibar katika siku tatu zilizopita zikiwa zimeharibika vibaya, kuwa na majeraha ya kukatwa na kitu chenye makali zikiwa zimefungwa kwenye viroba Maiti ya mwisho iliokot… Read More
  • DPP ASUBIRI FAILI LA LOWASSA………. Mkurugenzi wa Mashitaka (DPP), Biswalo Mganga, amesema anasubiri Ofisi ya Mkurugenzi wa Upelelezi wa Makosa ya Jinai (DCI) imalize uchunguzi wake dhidi ya tuhuma zinazomkabili Waziri Mkuu wa zamani, Edward Lowassa. Lowa… Read More

0 comments:

Post a Comment