ATUMIA VIDONGE VYA NGUVU ZA KIUME KUZOA KURA…!!

Katika mataifa mengi ya Afrika wakati wa uchaguzi, wanasiasa hutoa pesa ili kuwashawishi wapigaji kura kuwachagua.

Lakini amini usiamini huko Korea Kusini, polisi wameanzisha uchunguzi baada ya kuibuka madai kuwa wapiga kura wenye umri wa makamo, walimpigia mwanasiasa fulani kura eti kwa sababu aliwapa vidonge vya kuongeza nguvu za kiume!

Mbunge wa eneo la Suwon iliyoko karibu na mji mkuu wa Seoul, ndiye anayetuhumiwa kwa njama hiyo.

Jimbo la Suwon ilishuhudia upinzani mkali,katika uchaguzi uliofanyika Jumatano iliyopita.

Hata hivyo jina la mshukiwa mkuu, halijatajwa hadi pale ushahidi utakapopatikana.

Lakini uchunguzi wa msingi umethibitisha kuwa, mgombea huyo alikuwa na kiwango kikubwa cha madawa ya kuongeza nguvu za kiume kwa wakati mmoja.

Haijabainika ni kwa nini wala alikusudia kuwapa kina nani, na chunguzi bado unaendelea.