Njia za kuongeza kasi ya kompyuta

Kompyuta nyingi zinaponunuliwa huwa na kasi kubwa, lakini baada ya muda kasi hiyo huanza kupungua.Kuna njia mbalimbali za kuongeza kasi ya kompyuta yako na vifaa vingine kama simu za mikono na Ipad.

Njia hizi zinaweza kutumika endapo kifaa chako hakina shida kama vile uwezo wa kuhifadhi wa kifaa kuwa mdogo kuliko programu unazotumia au kama kuna shida nyingine ya vifaa vilivyochomekwa au vinavyotumika pamoja na kompyuta yako.

Kabla ya yote hakikisha kompyuta yako ina programu ya kuilinda kama vile Antivirus au Internet Security. Watu wengi wanapenda kuhifadhi vitu zaidi ya mara moja kwenye kompyuta. Hii inachangia kuongeza vitu kwenye kompyuta na kupunguza nafasi kwenye kifaa chako.

Njia bora ya kukabiliana na hali hii ni kutafuta faili au folda e kwa kutumia ‘search’ au unaweza kutafuta programu ya ‘file dublicate’Hii itakuwezesha kutafuta nyaraka zote ambazo ziko zaidi ya mara moja na kuziondoa na kisha kubakisha nakala moja tu.

Kwa faili za picha unaweza kutumia ‘Duplicate Photo Cleaner’, hii itatafuta picha zote zilizohifadhiwa zaidi ya mara moja, pia kuzifuta kwa minajili ya kuongeza nafasi kwenye kifaa chako. Wakati unaingiza programu kwenye kompyuta au unapotembelea tovuti mbalimbali, kuna faili zinazobaki kwenye kompyuta, hizi zinajulikana kwa jina la ‘temporaly files’

Mafaili haya yanatakiwa kujiondoa yenyewe lakini haitokei mara kwa mara, matokeo yake yanabaki kwenye kompyuta na kuijaza.

Kwa hivyo unaweza kutumia programu ya Disk Clean up ambayo iko kwenye kompyuta yako au unaweza kutafuta CCleaner na Windows Advaced Care. Hizi ni programu zinazoweza kumaliza tatizo hilo na mengine yanayofanana na hiyo .

Baadhi ya watumiaji wa kompyuta wanapenda kutumia njia za mkato za kufungua programu (shortcuts) ili iwe rahisi kufungua programu fulani, folda au vitu vingine kwa haraka. Ikumbukwe kuwa shortcut zinapokuwa nyingi zinaweza kuharibu ‘desktop’ na kuleta matatizo kwenye kifaa chako. Unashauriwa kuzipunguza au kutotumia kabisa .

Kwa watumiaji wa Windows, waangalie vizuri. Ukibonyeza upande wa kulia wa ‘mouse’ yako nenda sehemu ya shortcut cleaner hii itaweza kukusaidia kumaliza tatizo .

Kuna kitu kinaitwa ‘Defragmentation’, maana yake ni upangaji mzuri wa faili zako zilizopo ndani ya kompyuta. Hii inafanyika kwa sababu unapotumia kifaa hiki kwa muda mrefu faili zinaparaganyika halafu inachangia kufanya kifaa chako kwenda mwendo mdogo. Hata hivyo, ukifanya defragmentation faili zako zitajipanga upya, kwahiyo utatumia muda mfupi kutafuta kitu au kufungua kitu kwenye kifaa chako.

Programu ya kufanya defragmentation iko kwenye kompyuta yako moja kwa moja lakini kama unataka nyingine unaweza kuangalia kwenye Advanced Windows Care niliyoitaja hapo juu itaweza kufanya kazi hiyo.Ukiweka programu nyingi kwenye kompyuta yako, utagundua kwamba kifaa chako kimeanza kwenda mwendo mdogo hasa wakati wa kuwaka. Hatua hii inaitwa BOOT yaani hatua ya kompyuta kuwaka.

Kama mtumiaji wa kifaa unaweza kuamua unataka programu zipi ziwake wakati kompyuta yako inawaka. Hapa unaweza kutumia programu inayoitwa SOLUTO ambayo inapatikana bure kwenye mtandao .