Tuesday, 16 June 2015

Askofu kushtakiwa kwa kudhulumu watoto…!!!

Askofu Josef Weslowski kushtakiwa kwa kudhulumu watoto

Kiongozi wa kanisa katoliki duniani Papa Francis, ameonekana kuanza kuwakabili makasisi waliotuhumiwa kwa sakata ya ngono.

Askofu mmoja aliyekua mjumbe wa papa katika jamhuri ya Dominican,atafikishwa mahakamani Julai 11.
Josef Weslowski raia wa Poland,ametuhumiwa kuwaharibu watoto wa kiume pamoja na kuwa na sinema chafu za watoto.
Kwingineko maaskofu wawili wa Marekani wamejiuzulu, kwa kukosa kuwalinda watoto ambao walidhulumiwa kimapenzi na makasisi.
Mwanadiplomasia huyo wa zamani amekuwa katika kifungo cha ndani huko Vatican, tangu alipovuliwa wadhfa aliokuwa amepewa na kurudishwa kutoka Jamhuri ya taifa la Dominican mwaka wa 2013.
Sasa atakabiliwa na kesi kwa mujibu wa sheria mpya zilizoidhinishwa na Papa Francis.
Hii inamaanisha kuwa anaweza kupewa kifungo cha hadi miaka 12 jela iwapo atapatikana na hatia .
Askofu mwengine wa kanisa la Mtakatifu Paulo huko Minnesota Marekani pamoja na msaidizi wake,nao walijiuzulu baada ya kushtakiwa kwamba walishindwa kuchukua hatua dhidi ya kasisi mmoja aliyeripotiwa kumnyanyasa mtoto kingono katika jimbo lake.
Papa Francis na viongozi waliomtangulia wamekuwa wakishtumiwa vikali kwa kukosa kuwachukulia hatua au hata kuwaondoa mamlakani,makasisi wanaoripotiwa kwenda kinyume na maadili na hasa unyanyasaji wa kingono .
Mapema mwezi huu Papa Francis aliunda tume maalum iliyopewa mamlaka ya kusikiliza na kuhukumu maaskofu wanaotuhumiwa kufumbia macho vitendo vya unyanyasaji wa kingono ambayo huenda vinaendelea katika makanisa yao.

Kwa namna hiyo inavyoelekea ni kwamba Papa Francis angependa mashtaka dhidi ya watumishi wa makanisani yashughulikiwe na mahakama maalum ya kanisa badala ya kesi hizo kupelekwa kwa mahakama za kawaida za umma.

Related Posts:

  • Mwanamke mwenye 'sura mbaya' atoa filamu.. Mwanamke anayedaiwa kuwa na sura mbaya duniani na mitandao inayomuonea ametoa filamu kuhusu maisha yake. Maisha ya Lizzie Velasquez mwenye umri wa miaka 26 yalibadilika kabisa baada ya kuona kanda ya video katika mtandao… Read More
  • Papa Francis atoa ishara za kujiuzulu.!!!!! Kiongozi wa kanisa katoliki duniani Papa Francis amedokeza kwamba huenda akafuata nyayo za mtangulizi wake Papa Benedict kwa kujiuzulu. Akihojiwa na runinga moja ya nchini Mexico katika sherehe za maadhamisho yake ya p… Read More
  • Wanawake wanaovaa nguo nyekundu huvutia Zaidii!!! Wanawake wanaovalia mavazi ya rangi nyekundu,huwavutia sana wanaume ikilinganishwa na wale wanaovaa mavazi ya rangi nyengine. Kulingana na utafiti huo rangi hiyo huvutia sana na pia huwashirikisha wanawake wanaobeba laptopu… Read More
  • Kesi ya rais wa Kenya yafungwa rasmi Mahakama ya kimataifa kuhusu uhalifu wa kivita ICC imefunga kesi yake dhidi ya rais wa Kenya Uhuru Kenyatta . Alikuwa ameshtakiwa na uhalifu dhidi ya binaadamu kufuatia ghasia ziliz… Read More
  • Idadi ya mimba za utotoni yaongezeka..!!!!! Msichana mmoja kati ya wanne wenye umri wa miaka 15 hadi 19 ni mjamzito au ana mtoto imeelezwa. Idadi hii inawakilisha maisha halisi na kuonesha kwamba kama jitihada za makusudi hazitachukuliwa, wasichana wataendelea kukosa… Read More

0 comments:

Post a Comment