Tuesday, 7 April 2015

Kenya yashambulia ngome za al Shabab Somalia…



Ndege za jeshi la Kenya zimeshambulia kambi mbili za kundi la kigaidi la al Shabab nchini Somalia, ikiwa ni kulipiza kisasi cha kuuawa wanafunzi na wafanyakazi
wapatao 150 wa Chuo Kikuu cha Garissa kaskazini mwa Kenya.

Kanali David Obonyo Msemaji wa Jeshi la Kenya amesema kuwa, ndege za kivita za Kenya zimeshambulia kambi za kundi la kigaidi la al Shabab katika mkoa wa Gedo kaskazini mwa Somalia na kusababisha maafa makubwa kwenye kambi hizo.

Kanali Obonyo amesisitiza kuwa kambi hizo mbili za magaidi wa al Shabab zimeteketezwa kikamilifu.

Shambulio hilo la jeshi la Kenya limefanyika zikiwa zimepita siku tano tu, tokea kundi hilo liliposhambulia na kuua watu wanaokaribia 150 kwenye Chuo Kikuu cha Garissa, kilichoko umbali wa kilomita 150 kutoka kwenye mpaka wa nchi hiyo na Somalia.

Hivi karibuni kundi la al Shabab lilitishia kufanya mauaji mengine ya umati nchini Kenya na kusisitiza kwamba Wakenya watakabiliwa na mashambulio ya muda mrefu na ya kutisha.

Maeneo ya mashariki na kaskazini mwa Kenya yanayopakana na Somalia yamekuwa yakilengwa mara kwa mara na wanamgmabo wa al Shabab.

Kuanzia mwaka 2011 serikali ya Kenya ilipeleka wanajeshi wasiopungua elfu tatu kusini mwa Somalia kwa shabaha ya kupambana na kundi la kigaidi la al Shabab.

Related Posts:

  • ABIRIA 31 WA ETIHAD WANUSURIKA KIFO..!! Watu 31 wamenusurika kifo baada a ndege ya Etihad EY 474 waliyokuwa wakisafiria kutoka Abu Dhabi kuelekea Jakarta kupata hitilafu ikiwa angani. Msemaji wa shirika hilo aliliambia Shirika la Habari la AFP kwamba, abiria … Read More
  • SERIKALI KUU MAREKANI YAISHTAKI NORTH CAROLINA….!! Idara ya sheria nchini Marekani, imeifungulia mashtaka serikali ya jimbo la North Carolina pamoja na gavana wake, ili kuzuia utekelezwaji wa sheria mpya kuhusu jinsia. Sheria hiyo inawalazimisha watu waliobadili jins… Read More
  • MIFUKO 800 YA SUKARI YAKAMATWA…!! Mapambano  kati ya vyombo vya dola na wafanyabiashara wanaodaiwa kuficha sukari  yameendelea maeneo mbalimbali nchini huku mifuko ya bidhaa hiyo ikikamatwa mkoani Mwanza. Taarifa kutoka mkoani Mwanza zina… Read More
  • JAJI ASEMA UBAKAJI NI KAWAIDA KWA WANAUME WA AFRICA....!! Jaji mmoja mzungu nchini Afrika Kusini ameshutumiwa vikali, baada ya kudaiwa kusema kwenye mitandao ya kijamii kwamba ubakaji ni kawaida kwa wanaume weusi. Jaji Mabel Jansen alisema unajisi wa watoto na wasichana na p… Read More
  • WATUMIAJI SIMU FEKI WAZIDI KUPUNGUA… Kadri siku ya kuzima simu feki kote nchini inavyokaribia, imebainika kuwa wanaozitumia wanazidi kupungua nchini. Meneja Mawasiliano wa Mamlaka ya Udhibiti wa Huduma za Mawasiliano Tanzania (TCRA) Innocent Mungy, ame… Read More

0 comments:

Post a Comment